Tacikistanın Azərbaycandakı səfiri AZPROMO-da olub

5 sentyabr tarixində Tacikistan Respublikasının Azərbaycan Respublikasındakı səfiri ilə Azərbaycanda İxracın və İnvestisiyaların Təşviqi Fondunda (AZPROMO) görüş təşkil olunub.

AZPROMO-nun rəhbəri Yusif Abdullayev “Made in Azerbaijan” brendinin təşviqi, qeyri-neft məhsullarının istehsalı və ixracının stimullaşdırılması, yerli məhsulların ixrac coğrafiyasının genişləndirilməsi, ölkə iqtisadiyyatına xarici investisiyaların cəlbi istiqamətində görülən işlər barədə məlumat verib.

Görüşdə bu ilin sentyabr ayında təşkil olunması nəzərdə tutulan Azərbaycan-Tacikistan biznes forumu çərçivəsində keçiriləcək görüşlər müzakirə olunub.