1-10 noyabr tarixində Bağdad şəhərində 47-ci “Baghdad International Fair” sərgisi keçiriləcək. Azərbaycan sahibkarları sözügedən tədbirdə iştirak etməyə dəvət olunur.
Azərbaycan Respublikası İqtisadiyyat Nazirliyi İraq Respublikasının Bağdad şəhərində 2023-cü ilin 1-10 noyabr tarixində keçiriləcək 47-ci “Baghdad International Fair” sərgisində vahid ölkə stendində iştirak üçün ixracatçıların müraciətlərinin qəbulunu elan edir.
Vahid ölkə stendində iştirak edəcək ixracatçıların maksimum sayı: 10 şirkət.
İştirakçılar müsabiqə əsasında seçiləcəkdir.
Sərginin əhatə etdiyi sahələr (məhsullar): Qida sənayesi
|
XİFMN üzrə məhsulun kodu |
Məhsulun adı |
|
1602 |
Ətdən, ət əlavələrindən və ya qandan hazırlanan hazır və ya konservləşdirilmiş digər məhsullar |
|
1704 |
Şəkərdən hazırlanan qənnadı məmulatları (ağ şokolad daxil olmaqla), tərkibində kakao olmayan |
|
1905 |
Çörək, unlu qənnadı məmulatlar, pirojnalar, peçenye və digər çörək-bulka və unlu qənnadı məmulatlar, tərkibində kakao olan və ya olmayan; əczaçılıq məqsədləri üçün istifadəyə yararlı vafli plastinaları, boş kapsulalar, bağlama üçün vafli həbləri, düyü kağızı və analoji məhsullar |
|
2001 |
Sirkə və ya sirkə turşusu əlavə etməklə konservləşdirilmiş tərəvəz, meyvə, qoz-fındıq və bitkilərin digər yeyilən hissələri |
|
2002 |
Sirkə və ya sirkə turşusu əlavə edilmədən hazırlanmış və ya konservləşdirilmiş pomidorlar |
|
2003 |
Göbələklər və yerdombalanı, sirkə və ya sirkə turşusu əlavə edilmədən hazırlanmış və ya konservləşdirilmiş |
|
2004 |
Digər tərəvəzlər, sirkəsiz və ya sirkə turşusuz hazırlanmış və ya konservləşdirilmiş, dondurulmuş, 2006 mal mövqeyinin məhsullarından başqa |
|
2005 |
Digər tərəvəzlər, hazırlanmış və ya konservləşdirilmiş, sirkəsiz və ya sirkə turşusuz, dondurulmamış, 2006 mal mövqeyinin məhsullarından başqa |
|
200600 |
Tərəvəz, meyvələr, qoz-fındıq, meyvə qabıqları və bitkinin digər hissələri, şəkərin vasitəsilə konservləşdirilmiş (şəkər şirəsi ilə hopdurulmuş, minalanmış və ya şəkərli) |
|
2007 |
Cemlər, meyvə jelesi, marmeladlar, meyvə və ya qoz püresi, meyvə və ya qoz pastası, isti emal edilən məhsullar, o cümlədən şəkər və ya digər şirinləşdirici maddələr əlavə olunmaqla |
|
2008 |
Meyvələr, qoz-fındıq və bitkilərin yeyilən hissələri, başqa üsulla hazırlanan və ya konservləşdirilən, o cümlədən tərkibində şəkər və ya digər şirinləşdirici maddələr, yaxud spirt əlavələri olan və ya olmayan, başqa yerdə adı göstərilməyən və ya təsnif olunmayan |
|
2009 |
Qıcqırdılmamış və tərkibində spirt əlavəsi olmayan, şəkər və ya digər şirinləşdirici maddələr əlavə edilmiş və ya edilməmiş meyvə şirələri (üzüm şirəsi və kokos suyu da daxil olmaqla) və ya qoz-fındıq şirələri |
|
220110 |
Mineral və qazlı sular |
|
220210000 |
Sular, mineral və qazlı sular daxil olmaqla, şəkər və ya digər şirinləşdirici, yaxud dad-aromatik maddələr əlavə edilən |
|
240220 |
Tərkibində tütün olan siqaretlər |
Müsabiqənin təşkilatçısı: İqtisadiyyat Nazirliyi – Azərbaycan Respublikasının İxracın və İnvestisiyaların Təşviqi Agentliyi – AZPROMO.
Müsabiqə Azərbaycan Respublikası Nazirlər Kabinetinin 2018-ci il 31 oktyabr tarixli 470 nömrəli Qərarı ilə təsdiq edilmiş "Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası" əsasında 16 oktyabr 2023-cü il tarixində AZPROMO-da təşkil olunacaq.
Seçim meyarları:
- ixracatçının nümayiş olunacaq məhsulları üzrə istehsal potensialı – 10 bal;
- nümayiş olunacaq məhsulların hədəf ölkəyə ixrac potensialı – 10 bal;
- sahibkarın əvvəllər ixrac təcrübəsinin olub-olmaması (ixrac etdiyi məhsullarının miqdarını göstərməklə) – 5 bal;
- Meyarların cəmi üzrə minimum keçid balı: 20 (iyirmi) bal.
Vahid ölkə stendində iştirak etmək üçün AZPROMO-ya aşağıdakı sənədlər təqdim edilməlidir:
- Ərizə;
- dəstək tədbirində iştirakla bağlı Şərtlər;
- sahibkarın istehsal və ixrac potensialı və əvvəllər ixrac təcrübəsinin olmasına dair sənədlər və ya məlumatlar;
- son birillik dövriyyə və vergi borcu barədə vergi orqanından alınmış arayış və ya arayışlar;
- bank hesabından çıxarış (ərizənin təqdim olunduğu əvvəlki 365 gün ərzində həyata keçirilmiş əməliyyatlar göstərilməklə).
Sənədlər aşağıdakı ünvan üzrə 6 oktyabr 2023-cü il tarixinədək təqdim olunmalıdır: Azərbaycan Respublikasının İxracın və İnvestisiyaların Təşviqi Agentliyi – AZPROMO, Bakı Biznes Mərkəzi, Neftçilər pr. 32, Bakı, AZ1000.
Əlavə məlumat üçün:
Samirə Məmmədova
AZPROMO – İxracın təşviqi departamentinin İxrac bazarları ilə iş şöbəsinin müdiri
Tel: (+994 12) 598 01 47/48 (daxili 3624)
E-mail: samira.mammadova@azpromo.gov.az
Əli Babayev
AZPROMO – İxracın təşviqi departamentinin İxracatçılar ilə iş şöbəsinin böyük mütəxəssisi
Tel: (+994 12) 598 01 47/48 (daxili 3664)
Mob: (+994 50) 200 39 40
E-mail: ali.babayev@azpromo.gov.az