AZ
ŞRİFTİN ÖLÇÜSÜ
A
A
A
ŞRİFTİN NÖVÜ
San-Serif
Serif
ŞƏKİLLƏRİN TƏSVİRİ

İstanbulun iş adamlarından ibarət nümayəndə heyəti AZPROMO-da olub

İstanbul Sənayeci və İş Adamları Dərnəkləri Federasiyasının (İSİFED) prezidenti Muammer Öməroğlunun rəhbərlik etdiyi Türk iş adamlarından ibarət nümayəndə heyəti ilə İxracın və İnvestisiyaların Təşviqi Agentliyində – AZPROMO-da görüş keçirilib.

AZPROMO-nun rəhbəri Yusif Abdullayev Agentliyin fəaliyyət istiqamətləri, hədəfləri, ölkəmizdə tətbiq olunan biznes və investisiyaların təşviqi mexanizmləri, “Made in Azerbaijan” brendinin təşviqi barədə məlumat verib, Qarabağ regionunda həyata keçirilən layihələrdə iştirakla bağlı müraciətlərdə Türk şirkətlərinin çoxluq təşkil etdiyini vurğulayıb. Qeyd edilib ki, iki ölkə arasında Preferensial Ticarət Sazişinin əhatə dairəsinin genişləndirilməsi istiqamətində işlər aparılır. Görüşdə həmçinin, bu ilin noyabr ayında Bakıda keçirilməsi nəzərdə tutulan Azərbaycan-Türkiyə biznes forumunun ölkələrimiz arasında iqtisadi-ticarət əlaqələrinin daha da genişlənməsinə töhfə verəcəyi diqqətə çatdırılıb.

İSİFED-in prezidenti Muammer Öməroğlu ölkələrimiz arasında qarşılıqlı ticarətin və investisiyaların artırılması üçün böyük potensialı qeyd edib, biznes dairələrini fəal əməkdaşlığa dəvət edib.

Görüş zamanı AZPROMO və İSİFED arasında əməkdaşlıq, iş adamları arasında əlaqələrinin genişləndirilməsi məsələləri müzakirə olunub.